O Ateneo de Nigrán pide ao Bispado que retire os elementos franquistas presentes nas igrexas do municipio
Os exteriores das igrexas do Concello de Nigrán aínda conservan elementos franquistas, como símbolos fascistas ou inscricións co nome do dirixente José Antonio Primo de Rivera. É por iso que dende Lucenza-Ateneo de Nigrán piden que se retira a simboloxía presente nas igrexas parroquias do municipio, e fano enviando unha carta ao Bispo de Tui, Luis Quinteiro Fiuza.
Coincidindo co aniversario do golpe militar do 18 de xullo de 1938, dende Lucenza volven poñer o foco sobre estas construcións relixiosas, recordando que no 2014 Corporación municipal de Nigrán xa considerara oportuno solicitar á Diócese de Tui-Vigo o cumprimento da Lei de Memoria Histórica. Porén, critican que durante oito anos non se producise ningún cambio.
Referencias aos “caídos na Cruzada de 1936 a 1939” ou ao “Ano da vitoria” son algúns dos símbolos que, xunto co xugo e as frechas supoñen un enaltecemento do bando franquista, algo que non toleran dende o Ateneo de Nigrán. Por iso, piden o compromiso e a cooperación para que toda esta simboloxía sexa retirada e fan un chamamento ao Concello de Nigrán para que realice todas as xestións co Bispado para que esta demanda se faga realidade.
Para iso é preciso unha elaboración de proxectos de intervención, un plan de financiamento dos traballos, a obtención das autorizacións e os informes de patrimonio necesarios, entre outros pasos.
Dende Lucenza-Ateneo de Nigrán recordan que estes elementos son contrarios á memoria democrática, e que a súa presenza en espazos públicos como igrexas, polo que supoñen un agravio ás vítimas da represión franquista na comarca. Máis información en Xornal de Vigo.
