FOTOGRAFÍAS: Como son as pinturas aparecidas na Cova de Baleira

As pinturas aparecidas nunha cova, en Baleira, Lugo, poderían abrir novas investigacións na arte rupestre galega. Con todo, e a falta dunha investigación exhaustiva, o máis prudente é agardar ás investigacións que teñen aínda que realizar os expertos. Por iso, polo momento, o máis importante é preservar o ben descuberto.

As únicas imaxes das que dispoñemos son as realizadas por Mariña Patrimonio, colectivo que acudiu ao lugar logo de ser avisados por un veciño da Fonsagrada, David Outeiro, descubridor das mesmas xunto cun amigo garda civil.

Historia de Galicia publica un album con estas fotografías, así como outras dúas que apuntan a semellanzas destas pinturas coas aparecidas en Val de Junco, en Portugal, e que foron proporcionadas polo investigador e colaborador de HdG, Xabier Moure, do colectivo Patrimonio dos Ancares.