Aparece unha ánfora do século VI a. C. de estilo grego somerxida baixo as augas do porto de Ribadeo | Historia de Galicia
Anfora e xerro atopados no porto de Ribadeo / foto Unidade de Buceo de Ferrol da Armada Española

Aparece unha ánfora do século VI a. C. de estilo grego somerxida baixo as augas do porto de Ribadeo

Tempo de lectura: 2 min.

Un xarro de orixe portugués do século XVI e un ánfora de tipo grego, segundo os expertos, do século VI a. C. Este é o excepcional achado que a Unidad de Buceo de Ferrol (Ubufer) da Armada, anunciou no día de onte e que foi descuberto a uns 15 m de profundidade no porto de Ribadeo. A ánfora podería ser o obxecto máis antigo do patrimonio subacuático de todo o norte peninsular.

Trátase dun achado casual mentres se facía unha sondaxe previa á campaña de estudo do do galeón San Giaccomo. Afundido en 1597, o galeón, descuberto en 2011 e un dos máis grandes da súa época, durme nas profundidades do Cantábrico no entorno da vila de Ribadeo. Será estudado nunha campaña de prospección programada para o próximo outono baixo a dirección do arqueólogo submarino Miguel San Claudio.

Anfora e xerro atopados no porto de Ribadeo / foto Unidade de Buceo de Ferrol da Armada Española

Mais a ánfora non aparecía ligada a el, senón no fondo do porto. O achado tal e como declaraba San Claudio a outro medio, retraería en case mil anos a cronoloxía do porto de Ribadeo. Para o experto a datación no século VI a. C. estaría moi clara pero restaría saber o lugar exacto onde foi producida.

Isto axudaría a entender moito mellor a excepcional historia de este porto enchido de achados de diferentes épocas e orixes, alén do propio San Giaccomo, no lugar. É por isto que achado de esta ánfora de estilo grego é un descubrimento excepcional. A ánfora podería mudar en boa medida o xeito de entender a historia dos intercambios marítimos de Galicia e do norte peninsular.

Se atopou algún erro nesta noticia, por favor avísenos seleccionando o texto ou palabra en cuestión e presionando Ctrl+Entrar.

Pode que che interese...

Informe de erros

O seguinte texto será enviado aos nosos editores: