A Torre de Hércules de azul para festexar os seus sete anos como Patrimonio da Humanidade / eloytp.blogspot.com
A Torre de Hércules de azul para festexar os seus sete anos como Patrimonio da Humanidade / eloytp.blogspot.com

A Torre de Hércules recupera a súa esencia celta cunha homenaxe a Irlanda

A celebración do San Patricio, santo patrón de Irlanda, a nación celta por excelencia, tamén se vivirá en Galicia. A Torre de Hércules, que algunhas lendas relacionan directamente con Irlanda,  iluminarase completamente de verde, a cor nacional deste país, durante os días 16 e 17 para conmemorar ese día.

Non será o único. Outros monumentos representativos e enclaves icónicos de todo o mundo iluminaranse tamén para celebrar esta festividade como será o caso de Madrid, Barcelona, Santander, Málaga, Zaragoza, A Coruña, Cáceres, Tortosa (Tarragona), Murcia, Valladolid e Adeje (Tenerife), Llanes (Asturias) e Sevilla.

A relación da Torre de Hércules, e de Galicia, con Irlanda vén de atrás. De acordo coa lenda irlandesa incorporada no século XI á compilación Lebor Gabála Érenn (“Libro das Invasións”), o rei Breogán, fundador da nación céltica galega, construíu na cidade de Brigantia (de emprazamento descoñecido mais identificada coa actual Coruña) unha enorme torre dunha altura tan magnífica que os seus fillos podían ver unha beira verde distante desde o seu cumio. A ollada desa terra enganounos para navegar ao norte de Irlanda, onde Ith sería asasinado. En vinganza, os fillos de Mil, neto de Breogán, saíndo desde Brigantia chegaron a Irlanda e conquistárona.

Outras cidades

Por primeira vez, lugares tan recoñecidos como o One World Trade Center en Nova York, o Concello de Londres ou a Lonxa dos Panos de Ypres en Bélxica uniranse á celebración do Patrón de Irlanda.

Madrid iluminará en verde o Palacio de Comunicacións, Porta de Alcalá e Cibeles; Sevilla, a Glorieta de Don Juan de Austria e Tenerife a Praza de España en Adeje. En Barcelona grazas á colaboración de Irish in Barcelona procederase á iluminación da Fonte Máxica de Montjuic, as Fontes Xemelgas da Praza de Cataluña e a Fonte do Paseo de Graza.

Xunto á cidade condal tamén participarán diferentes enclaves da xeografía española como o Gran Casino de Santander, a Casa Consistorial de Málaga, o Edificio Etopia en Zaragoza, o Edificio Anexo do Concello de Murcia, o Palacio Consistorial de Cáceres, a Cúpula do Milenio de Valladolid, o Concello de Tortosa (Tarragona) e a Fonte de Santa Eulália (L’Hospitalet de Llobregat), que se vestirán de verde, por primeira vez, durante a celebración de San Patricio.

Se atopou algún erro nesta noticia, por favor avísenos seleccionando o texto ou palabra en cuestión e premendo as teclas Ctrl+Entrar.

Pode que che interese...

  • SalidaDelEuro

    No libro das invasións falase de “España” e dos “Fillos de “España””.

    En ningunha lenda falase da torre de Hercules.

    Nunca unha lenda nun libro ebtre tantas outras e sen soporte historico deu tanto que falar.

    • Siñor Santiago

      Erro, non se pode falar dos fillos dunha Terra que non existía como tal.
      Fálase dos homes do sur.

      • SalidaDelEuro

        Si claro non poden falar de algo que non estaba constituido como estado constitucional. Non é iso?

        A ver si tampouco ninguén falaba de Italia ou Alemania ata o século xix.

        O termo en gaélico e: “gairthear Mílidh Easpáinne”

Informe de erros

O seguinte texto será enviado aos nosos editores: