Montaña sacra de Ikh Bogd Uul (Mongolia)

Unha tese galega sobre unha montaña sagrada de Mongolia recibe un premio internacional

A tese doutoral ‘Arqueoloxía dunha montaña sacra: túmulos, auga, mobilidade e cosmología de Ikh Bogd Uul‘, realizada no Instituto de Ciencias do Patrimonio (CSIC, Santiago de Compostela) por Cecilia Dal Zovo foi distinguida no Premio ICAS 2017. En concreto, obtivo a mención especial Specialist Dissertation Accolade como mellor tese especializada na categoría de Humanidades.

Os premios ICAS están promovidos polo Instituto Internacional de Estudos Asiáticos (Leiden, Holanda). Celébranse desde 2004 e o seu labor é distinguir os mellores traballos académicos en Ciencias Humanas e Sociais en Asia, tanto como publicacións de libros (en cinco diferentes idiomas) como teses doutorais en inglés. Nesta edición optaban aos galardóns 330 libros e 125 teses doutorais. En cada categoría outórgase un primeiro premio e unha mención especial.

A tese, defendida en 2016 na USC e que obtivo a cualificación de sobresaliente cum laude, indaga desde unha perspectiva multidisciplinar nos túmulos e as súas relacións coas comunidades nómades na contorna da montaña sacra de Ikh Bogd Uul (Mongolia). Ofrece por primeira vez para esta zona unha catalogación completa destes monumentos e datos de cando e por que se construíron, durante canto tempo foron modificados e en que medida influíron nos ritos realizados nese territorio ao longo dos séculos. Tamén se dedica ao estudo da comunidade nómade local da montaña.

Se atopou algún erro nesta noticia, por favor avísenos seleccionando o texto ou palabra en cuestión e presionando Ctrl+Entrar.

Pode que che interese...

Informe de erros

O seguinte texto será enviado aos nosos editores: